İsti hava şəraidində işləmək üçün tövsiyələr

İsti havada işin təşkili üzrə tövsiyələr — qapalı məkanlarda və açıq havada

Kondisionerli ofislərdə temperatur 24–25°C səviyyəsində saxlanılmalıdır. Kondisioner olmadıqda isə iş günü aşağıdakı qaydada qısaldılmalıdır:

• Temperatur 29,5°C olduqda — 1 saat;
• 30,5°C olduqda — 2 saat;
• 31,5°C olduqda — 4 saat.

Qurumun vurğuladığı kimi, həddindən artıq qızmanın (hipertermiyanın) qarşısını almaq üçün iş və istirahət rejimi düzgün təşkil edilməlidir.

Açıq havada temperatur 32,5°C və daha yüksək olduqda fasiləsiz iş müddəti 15–20 dəqiqədən artıq olmamalı, bundan sonra ən azı 10–12 dəqiqə sərinləşdirilən məkanlarda istirahət edilməlidir. İş növbəsi ərzində istilik yükünün ümumi müddəti. İstidən qoruyan xüsusi geyimdə çalışanlar üçün 4–5 saatdan, belə qoruyucu geyimi olmayanlar üçün isə 1,5–2 saatdan artıq olmamalıdır.

32,5°C-dən yüksək temperaturda işləmək tövsiyə edilmir, çünki bu şərait təhlükəli (ekstremal) hesab olunur. Belə işlər səhər və ya axşam saatlarına keçirilməlidir. İstilik şüalanmasından qorunmaq üçün xüsusi iş geyimlərindən və ya sıx toxunmuş parçadan hazırlanmış geyimlərdən istifadə edilməlidir. Həmçinin bu işlərə 25 yaşdan aşağı və 40 yaşdan yuxarı şəxslərin cəlb edilməməsi tövsiyə olunur.

İçmə rejiminin təşkili: İçməli su daim əlçatan və kifayət qədər miqdarda olmalıdır. Temperatur 30°C və daha yüksək olduqda, orta ağırlıqlı iş görən işçilər saatda ən azı 0,5 litr su içməlidirlər (təxminən hər 20 dəqiqədən bir bir stəkan).

Bundan əlavə, immunitetin qorunması və istiliyin yaratdığı mənfi təsirlərin azaldılması üçün imkan daxilində meyvə və tərəvəzlərin istehlakı tövsiyə olunur.